ایک آزار ہوئی جاتی ہے شہرت ہم کو

ایک آزار ہوئی جاتی ہے شہرت ہم کو
خود سے ملنے کی بھی ملتی نہیں فرصت ہم کو

روشنی کا یہ مسافر ہے رہِ جاں کا نہیں

اپنے سائے سے بھی ہونے لگی وحشت ہم کو

آنکھ اب کس سے تحیر کا تماشا مانگے

اپنے ہونے پہ بھی ہوتی نہیں حیرت ہم کو

اب کے اُمید کے شعلے سے بھی آنکھیں نہ جلیں

جانے کس موڑ پہ لے آئی محبت ہم کو

کون سی رُت ہے زمانے ، ہمیں کیا معلوم

اپنے دامن میں لئے پھرتی ہے حسرت ہم کو

زخم یہ وصل کے مرہم سے بھی شاید نہ بھرے

ہجر میں ایسی ملی اب کے مسافت ہم کو

داغِ عصیاں تو کسی طور نہ چھپتے امجدؔ

ڈھانپ لیتی نہ اگر چادرِ رحمت ہم کو 

اوں بال غریب دا دِل ہاں

میں بھانڑپُرانڑیں جنگل دا، کہیں رُل گئے دی منزل ہاں

جیندی آپس وچ نہ بنڑ آوے، اوں گھوٹ دی پھِکی کھِل ہاں

جیکوں شاکرؔ چِتھ تے سٹ ڈیندن، بیکار مُساگ دی چھِل ہاں

جیندے میلے وچ کھیسے خالی ہن، اوں بال غریب دا دِل ہاں

کیوں اے فلک جو ہم سے جوانی جُدا ہوئی

کیوں اے فلک جو ہم سے جوانی جُدا ہوئی

اِک خود بخود جو دل میں خوشی تھی وہ کیا ہوئی

گُستاخ بلبلوں سے بھی بڑھ کر صبا ہوئی

کچھ جھُک کر گوش گُل میں کہا اور ہوا ہوئی

مایوس دل نے ایک نہ مانی امید کی

کہہ سن کے یہ غریب بھی حق سے ادا ہوئی

دنیا کا فکر ، موت کا ڈر، آبرو کا دھیان

دو دن کی زندگی مرے حق میں بلا ہوئی

موتی تمہارے کان کے تھرّا رہے ہیں کیوں

فریاد کس غریب کی گوش آشنا ہوئی

برسا جو ابرِ رحمتِ خالق بروزِ حشر

سبزہ کی طرح پھر مِری نشو و نما ہوئی

بیماریوں سے چھٹ گئے اے شادؔ حشر تک

قربان اس علاج کے، اچھی دوا ہوئی

اے تازہ واردانِ بساطِ ہوائے دل

اے تازہ واردانِ بساطِ ہوائے دل

زنہار! اگر تمہیں ہوسِ نائے و نوش ہے

دیکھو مجھے جو دیدۂ عبرت نگاہ ہو

میری سنو، جو گوشِ نصیحت نیوش ہے

ساقی، بہ جلوہ، دشمنِ ایمان و آگہی

مُطرب، بہ نغمہ، رہزنِ تمکین و ہوش ہے

یا شب کو دیکھتے تھے کہ ہر گوشۂ بساط

دامانِ باغبان و کفِ گُل فروش ہے

لطفِ خرامِ ساقی و ذوقِ صدائے چنگ

یہ جنتِ نگاہ، وہ فردوسِ گوش ہے

یا صبح دم جو دیکھیے آ کر، تو بزم میں

نے وہ سُرور و سُور، نہ جوش و خروش ہے

داغِ فراقِ صحبتِ شب کی جلی ہوئی

اک شمع رہ گئی ہے، سو وہ بھی خموش ہے

آتے ہیں غیب سے یہ مضامین خیال میں

غالب! صریرِ خامہ، نواے سروش ہے

جو کچھ دیکھا جو سوچا ہے وہی تحریر کر جائیں!

جو کچھ دیکھا جو سوچا ہے وہی تحریر کر جائیں!

جو کاغذ اپنے حصے کا ہے وہ کاغذ تو بھر جائیں!

نشے میں نیند کے تارے بھی اک دوجے پر گرتے ہیں

تھکن رستوں کی کہتی ہے چلو اب اپنے گھر جائیں

کچھ ایسی بے حسی کی دھند سی پھیلی ہے آنکھوں میں

ہماری صورتیں دیکھیں تو آئینے بھی ڈر جائیں

نہ ہمت ہے غنیمِ وقت سے آنکھیں ملانے کی

نہ دل میں حوصلہ اتنا کہ مٹی میں اتر جائیں

گُلِ امید کی صورت ترے باغوں میں رہتے ہیں

کوئی موسم ہمیں بھی دے کہ اپنی بات کر جائیں

دیارِ دشت میں ریگِ رواں جن کو بناتی ہے

بتا اے منزلِ ہستی کہ وہ رستے کدھر جائیں

تو کیا اے قاسمِ اشیاء یہی آنکھوں کی قسمت ہے

اگر خوابوں سے خالی ہوں تو پچھتاووں سے بھر جائیں

جو بخشش میں ملے امجد تو اس خوشبو سے بہتر ہے

کہ اس بے فیض گلشن سے بندھی مُٹھی گزر جائیں

وعدے گنے نئیں تیرے توں کُل جانے

وعدے گنے نئیں تیرے توں کُل جانے 

تینوں بھل دے بھل دے بھل جانے

جدوں عشق دا پنچھی اُڈار ہونا

بھید کھل دے کھل دے کھل جانے

سوچ سپ دا منہ جے کھول دتا

گوہر ڈھل دے ڈھل دے ڈھل جانے

جے ڈکی نہ ہوا کدورتاں دی

جھکڑ جھل دے جھل دے جھل جانے

جے ناں کجیا حسن ملوک چنا

راہی بھل دے بھل دے بھل جانے​ 

دہکتے دن میں عجب لطف اٹھایا کرتا تھا

دہکتے دن میں عجب لطف اٹھایا کرتا تھا

میں اپنے ہاتھ کا تتلی پہ سایہ کرتا تھا

اگر میں پوچھتا بادل کدھر کو جاتے ہیں

جواب میں کوئی آنسو بہایا کرتا تھا

یہ چاند ضعف ہے جس کی زباں نہیں کھلتی

کبھی یہ چاند کہانی سنایا کرتا تھا

میں اپنی ٹوٹتی آواز گانٹھنے کے لئے

کہیں سے لفظ کا پیوند لایا کرتا تھا

عجیب حسرت پرواز مجھ میں ہوتی تھی

میں کاپیوں میں پرندے بنایا کرتا تھا

تلاش رزق میں بھٹکے ہوئے پرندوں کو

میں جیب خرچ سے دانہ کھلایا کرتا تھا

ہمارے گھر کے قریب ایک جھیل ہوتی تھی

اور اس میں شام کو سورج نہایا کرتا تھا

یہ زندگی تو مجھے ترے پاس لے آئی

یہ راستہ تو کہیں اور جایا کرتا تھا

ہم رات بہت روئے، بہت آہ و فغاں کی

ہم رات بہت روئے، بہت آہ و فغاں کی

دل درد سے بوجھل ہو تو پھر نیند کہاں کی

سر زانو پہ رکھے ہوئے کیا سوچ رہی ہو؟

کچھ بات سمجھتی ہو محبت زدگاں کی؟

تم میری طرف دیکھ کے چپ ہو سی گئی تھیں

وہ ساعتِ خوش وقت نشاطِ گزراں کی

اک دن یہ سمجھتے تھے کہ پایانِ تمنا

اک رات ہے مہتاب کے ایامِ جواں کی

اب اور ہی اوقات ہے اے جانِ تمنا!

ہم نالہ کناں، بے گنَہاں، غم زدگاں کی

اس گھر کی کھلی چھت پہ چمکتے ہوئے تارو!

کہتے ہو کبھی جا کے وہاں بات یہاں کی ؟

برگشتہ ہوا ہم سے، یہ مہتاب تو پیارو!

بس بات سنی، راہ چلا، کاہکشاں کی

اللہ کرے میرؔ کا جنت میں مکاں ہو

مرحوم نے ہر بات ہماری ہی بیاں کی

ہوتا ہے یہی عشق میں انجام سبھی کا

باتیں یہی دیکھی ہیں محبت زدگاں کی

پڑھتے ہیں شب و روز اسی شخص کی غزلیں

غزلیں یہ حکایات ہیں ہم دل زدگاں کی

تم چرخِ چہارم کے ستارے ہوئے لوگو!

تاراج کرو زندگیاں اہلِ جہاں کی

اچھا ہمیں بنتے ہوئے، مٹتے ہوئے دیکھو

ہم موجِ گریزاں ہی سہی، آبِ رواں کی

انشاؔ سے ملو، اس سے نہ روکیں گے وہ، لیکن

اُس سے یہ ملاقات نکالی ہے کہاں کی

مشہور ہے ہر بزم میں اس شخص کا سودا

باتیں ہیں بہت شہر میں بدنام، میاں کی

اے دوستو! اے دوستو! اے درد نصیبو!

گلیوں میں، چلو سیر کریں، شہرِ بتاں کی

ہم جائیں کسی سَمت، کسی چوک میں ٹھہریں

کہیو نہ کوئی بات کسی سود و زیاں کی

انشاؔ کی غزل سن لو، پہ رنجور نہ ہونا

دیوانا ہے، دیوانے نے اک بات بیاں کی

بشکریہ فاتحؔ الدین بشیر

جنون دل نہ صرف اتنا کہ اک گل پیرہن تک ہے از مجروحؔ سلطانپوری

جنون دل نہ صرف اتنا کہ اک گل پیرہن تک ہے

قد و گیسو سے اپنا سلسلہ دارو رسن تک ہے

مگر اے ہم قفس،  کہتی ہے شوریدہ سری اپنی

یہ رسمِ قید و زنداں،  ایک دیوارِ کہن تک ہے

کہاں بچ کر چلی اے فصل گل، مجھ آبلہ پا سے

مرے قدموں کی گلکاری بیاباں سے چمن  تک ہے

میں کیا کیا جرعۂ خوں پی گیا پیمانۂ دل میں

بلا نوشی مری کیا اک مئے ساغر شکن تک ہے

نہ آخر کہہ سکا اُس سے مرا حال دل سوزاں

مہ تاباں کہ جو اس کا شریک انجمن  تک ہے

نوا ہے جاوداں مجروحؔ جس میں روح ساعت ہو

کہا کس نے مرا نغمہ زمانے کے چلن تک ہے

وہ ہمسفر تھا مگر اس سے ہمنوائی نہ تھی

وہ ہمسفر تھا مگر اس سے ہمنوائی نہ تھی

کہ دھوپ چھاؤں کا عالم رہا جدائی نہ تھی

نہ اپنا رنج نہ اپنا دکھ نہ اوروں کا ملال

شبِ فراق کبھی ہم نے یوں گنوائی نہ تھی

محبتوں کا سفر کچھ اس طرح بھی گزرا تھا

شکستہ دل تھے مسافر شکستہ پائی نہ تھی

عداوتیں تھیں ، تغافل تھا، رنجشیں تھیں بہت

بچھڑنے والے میں سب کچھ تھا ، بے وفائی نہ تھی

بچھڑتے وقت ان آنکھوں میں تھی ہماری غزل

غزل بھی وہ جو کسی کو ابھی سنائی نہ تھی

کبھی یہ حال کہ دونوں میں یک دلی تھی بہت

کبھی یہ مرحلہ جیسے کہ آشنائی نہ تھی

عجیب ہوتی ہے راہِ سخن بھی دیکھ نصیر

وہاں بھی آ گئے آخر جہاں رسائی نہ تھی

کچھ کہنے کا وقت نہیں یہ، کچھ نہ کہو، خاموش رہو

کچھ کہنے کا وقت نہیں یہ، کچھ نہ کہو، خاموش رہو

اے لوگو خاموش رہو, ہاں اے لوگو، خاموش رہو

سچ اچھا، پر اس کے جلو میں، زہر کا ہے اک پیالا بھی

پاگل ہو؟ کیوں ناحق کو سقراط بنو، خاموش رہو

حق اچھا، پر اس کے لئے کوئی اور مرے تو اور اچھا

تم بھی کوئی منصور ہو جو سُولی پہ چڑھو؟ خاموش رہو

اُن کا یہ کہنا سورج ہی دھرتی کے پھیرے کرتا ہے

سر آنکھوں پر، سورج ہی کو گھومنے دو، خاموش رہو

مجلس میں کچھ حبس ہے اور زنجیر کا آہن چبھتا ہے

پھر سوچو، ہاں پھر سوچو، ہاں پھر سوچو، خاموش رہو

گرم آنسو اور ٹھنڈی آہیں ، من میں کیا کیا موسم ہیں

اس بگھیا کے بھید نہ کھولو، سیر کرو، خاموش رہو

آنکھیں موند کنارے بیٹھو، من کے رکھو بند کواڑ

انشا جی لو دھاگہ لو اور لب سی لو، خاموش رہو

غبار جاں نکلنا جانتا ہے

غبار جاں نکلنا جانتا ہے

دھواں روزن کا رستا جانتا ہے

تم اس کی رہنمائی کیا کرو گے

کدھر جانا ہے دریا جانتا ہے

بہت حیراں ہوا میں اس سے مل کر

مجھے اک شخص کتنا جانتا ہے

نہیں چلتے زمانے کی روش پر

ہمیں بھی اک زمانہ جانتا ہے

بڑے چرچے ہیں اُس کی آگہی کے

مگر انساں ابھی کیا جانتا ہے

کیے ہیں جس نے دل تخلیق انورؔ

دلوں کا حال سارا جانتا ہے

رات

رات

مری دہلیز پر بیٹھی ہوئی زانوں پہ سر رکھے 

یہ شب افسوس کرنے آئی ہے کہ میرے گھرپہ

آج ہی جو مرگیا ہے دن 

وہ دن ہمزاد تھا اس کا !

وہ آئی ہے کہ میرے گھر میں اس کو دفن کرکے 

ایک دیا دہلیز پر رکھ کر 

نشانی چھوڑ دے کہ محو ہے یہ قبر

اس میں دوسرا آکر نہیں لیٹے

مَیں شب کو کیسے بتلاؤں

بہت دن مرے آنگن میں یوں آدھے ادھورے سے 

کفن اوڑھے پڑے ہیں کتنے سالوں سے 

جنہیں میں آج تک دفنا نہیں پایا !

دکھاں نال یارانہ لا کے غم دی چکی چوندے رے آں

دکھاں نال یارانہ لا کے غم دی چکی چوندے رے آں 

ہر بندے نوں ہاسے دیتے اندروں پاویں روندے رے آں

اوس بنگلے دے متھے اوتے کیتے وی ساڈا ناں نئیں آیا

ساری عمراں جس بنگلے دا گارا اٹاں ڈھوندے رے آں

ویلے دیاں عفریتاں نےوی اوتھے آن جمایاڈیرا

جیڑی تھاں وی ڈردے ڈردےاپناآپ لکوندے رے آں

وہ اکثر باتوں باتوں میں اغیّار سے پُوچھا کرتے ہیں

وہ اکثر باتوں باتوں میں اغیار سے پوچھا کرتے ہیں 
یہ سر بہ گریباں دیوانے کس شے کا تقاضا کرتے ہیں 

اک دن تھا، کہ ساحل پر بیٹھے طوفاں پہ تبسّم کرتے تھے 
اب مایوسی کے عالم میں ساحل کا تماشا کرتے ہیں

خطرہ ہے وفا کے لٹنے کا، مجبورئِ دل بھی لازم ہے 
جینے کی تمنّا کرتے ہیں، مرنے کا تقاضا کرتے ہیں 

معصوم ستمگر کی باتیں، مظلوم ادا کے افسانے 
یوں رات بسر ہوجاتی ہے، یوں دل کا مداوا کرتے ہیں

جب نادانی کا عالم تھا حاصل کی تمنّا کرتے تھے 
اب دل میں آگ لگاتے ہیں شعلوں کا تماشا کرتے ہیں

اپنے میں رہے تو رسوائی، اپنے سے گئے تو سودائی 
ہم مدّت سے دیوانگئِ دنیا کا تماشا کرتے ہیں

راضی ناواں ہو سکدا اے

راضی ناواں ہو سکدا اے

جے او ساواں ہو سکدا اے

دھپّاں دے وچ میرے نال

ہاں! پرچھاواں ہوسکدا اے

میرے ورگے مک نئیں سکدے

ٹاواں ٹاواں ہوسکدا اے

اج میرے تے خُش لگدا اے

ہتھ تے لاواں، ہوسکدا اے