اپنی دھوپ میں بھی کچھ جل

اپنی دھوپ میں بھی کچھ جل

ہر سائے کے ساتھ نہ ڈھل

لفظوں کے پھولوں پہ نہ جا

دیکھ سروں پہ چلتے ہل

دنیا برف کا تودہ ہے

جتنا جل سکتا ہے جل

غم کی نہیں آواز کوئی

کاغذ کالے کرتا چل

بن کے لکیریں ابھرے ہیں

ماتھے پر راہوں کے بل

میں نے تیرا ساتھ دیا

مرے منہ پر کالک مل

آس کے پھول کھلے باقؔی

دل سے گزرا پھر بادل

بڑی آگ ہے، بڑی آنچ ہے، ترے میکدے کے گلاب میں

بڑی آگ ہے،  بڑی آنچ ہے،  ترے میکدے کے گلاب میں

کئی بالیاں ،  کئی چوڑیاں یہاں گھل رہی ہیں شراب میں

وہی لکھنے پڑھنے کا شوق تھا ،  وہی لکھنے پڑھنے کا شوق ہے

ترا نام لکھنا کتاب پر،  ترا نام پڑھنا کتاب میں

وہ بدن سخن کا جمال ہے، وہ جمال اپنی مثال ہے

کوئی ایک مصرعہ نہ کہہ سکا، کبھی اس غزل کے جواب میں

یہ نوازشیں یہ عنایتیں، ترا شکر کیسے ادا کروں

سرِ راہ پھول بچھا دیے، مرے آنسوؤں کے جواب میں

مرے زرد پتوں کی چادریں بھی ہوائیں چھین کے لے گئیں

میں عجب گلاب کا پھول ہوں‘جو برہنہ سر ہے شباب میں

یہ دُعا ہے ایسی غزل کہوں ‘کبھی پیش جس سے میں کرسکوں

کوئی حرف تیرے حضور میں‘کوئی شعر تیری جناب میں

نوٹ: پہلے چار اشعار میں نے مشاعرے سے سن کر لکھے ہیں۔ جبکہ آخری دو اشعار جب انٹرنیٹ پر سرچ کیا۔ تو ایک جگہ ملے۔

بہ آواز بشیر بدر۔ چھٹے منٹ سے یہ غزل شروع ہو رہی ہے۔

ستم کرو گے ستم کریں گے

ستم کرو گے ستم کریں گے

کرم کروگے کرم کریں گے

ہم آدمی ہیں تمھارے جیسے

جوتم کروگے وہ ہم کریں گے

چلائے خنجر تو گھاؤ دیں گے

بنوگے شعلہ آلاؤ دیں گے

ہمیں ڈبونے کی سوچنا مت

تمہیں بھی کاغذ کی ناؤ دیں گے

قلم ہوئے تو قلم کریں گے

جو تم کروگے وہ ہم کریں گے

تم اُٹھتے ہاتھوں کو کاٹ ڈالو

کہ شہر لاشوں سے پاٹ ڈالو

پھر اگلا موسم ہمارا ہوگا

چمن کا سبزہ بھی چاٹ ڈالو

کہ ہم بھی نہ اس سے کم کریں گے

جوتم کروگے وہ ہم کریں گے

گلاب دوگے، گلاب دیں گے

محبتوں کا جواب دیں گے

خوشی کا موسم جو ہم کو دو گے

تمہیں گلوں کی کتاب دیں گے

کبھی سروں کو نہ خم کریں گے

جو تم کروگے وہ ہم کریں گے

وہ دیکھو ظالم کی ہار دیکھو

خدا کی لاٹھی کی مار دیکھو

پروں کو سب کے جو کاٹتا ہے

سمے کے خنجر کی دھار دیکھو

چلو کے جشن اب ہم کریں گ

جو تم کروگے وہ ہم کریں گے

ہواؤں کو اب لگام دے لو

سنو نہ چنگاریوں سے کھیلو

ملی جو رائی بنے گی پروت

ذرا حقیقت سے کام لے لو

ستم کے بدلے ستم کریں گے

جو تم کروگے وہ ہم کریں گے

ابھی رمق بھر ہے روشنی کی 

کہ آس باقی ہے زندگی کی

اگر بجھایا آلاؤ تو پھر

نہ ہوگی اک بوند روشنی کی

چراغ کچھ ہم بھی کم کریں

جو تم کروگے وہ ہم کریں گے

نیائے تم کو پکارتا ہے

سنو جو تم میں اُدارتا ہے

ہمیشہ جیتی ہے آدمیت

جو ظلم کرتا ہے ہارتا ہے

ستم کا سر ہم قلم کریں گے

جو تم کروگے وہ ہم کریں گے

ستم کروگے ستم کریں گے

جو تم کروگے وہ ہم کریں گے

ہم کہاں آئنہ لے کر آئے

ہم کہاں آئنہ لے کر آئے

لوگ اٹھائے ہوئے پتھر آئے

دل کے ملبے میں دبا جاتا ہوں

زلزلے کیا مرے اندر آئے

جلوہ جلوے کے مقابل ہی رہا

تم نہ آئینے سے باہر آئے

دل سلاسل کی طرح بجنے لگا

جب ترے گھر کے برابر آئے

جن کے سائے میں صبا چلتی تھی

پھر نہ وہ لوگ پلٹ کر آئے

شعر کا روپ بدل کر باقیؔ

دل کے کچھ زخم زباں پر آئے

کیا پتا ہم کو ملا ہے اپنا

کیا پتا ہم کو ملا ہے اپنا

اور کچھ نشہ چڑھا ہے اپنا

کان پڑتی نہیں آواز کوئی

دل میں وہ شور بپا ہے اپنا

اب تو ہر بات پہ ہوتا ہے گماں

واقعہ کوئی سنا ہے اپنا

ہر بگولے کو ہے نسبت ہم سے

دشت تک سایہ گیا ہے اپنا

خود ہی دروازے پہ دستک دی ہے

خود ہی در کھول دیا ہے اپنا

دل کی اک شاخ بریدہ کے سوا

چمن دہر میں کیا ہے اپنا

کوئی آواز کوئی ہنگامہ

قافلہ رکنے لگا ہے اپنا

اپنی آواز پہ چونک اٹھتا ہے

دل میں جو چور چھپا ہے اپنا

کون تھا مد مقابل باقیؔ

خود پہ ہی وار پڑا ہے اپنا

اچیاں کندھاں والا گھر سی

اچیاں کندھاں والا گھر سی، رو لیندے ساں کھل کے

ایسی 'وا وگائی او ربا رہِ گئی جندڑی رل کے

چار چپھیرے درد انھیرے، ہنجھو ڈیرے ڈیرے

دکھیارے ونجارے آ گئے کدھر رستہ بھلّ کے

یاد آئیاں کچھ ہور وی تیرے شہر دیاں برساتاں

ہور وی چمکے داغ دلاں دے نال اشکاں دے دھل کے

اپنی گلّ نہ چھڈیں 'جالب' شاعر کجھ وی آکھن

اپنی رنگت کھو دیندے نے، رنگ رنگاں وچ گھل کے

جالب سائیں کدی کدائیں چنگی گلّ کہہ جاندا اے

جالب سائیں کدی کدائیں چنگی گلّ کہہ جاندا اے

لکھ پوجو چڑھدے سورج نوں، آخر ایہہ لہہ جاندا اے

باجھ تیرے او دل دے ساتھی، دل دی حالت کی دساں

کدی کدی ایہہ تھکیا راہی رستے وچّ بہہ جاندا اے

ساندل بار وسیندیئے ہیرے وسدے رہن تیرے ہاسے

دو پل تیرے غم دا پراہنا اکھیاں وچ رہِ جاندا اے

ہائے دوآبے دی اوہ دنیاں جتھے محبت وسدی سی

ہنجھو بن کے دکھ وطناں دا اکھیاں 'چوں وہِ جاندا اے

فجرے اوہ چمکاندا ڈٹھا 'جالب' ساری دنیاں نوں

راتیں جہڑا سیک دکھاں دے ہسّ ہسّ کے سہِ جاندا اے

ہر بے زباں کو شعلہ نوا کہ لیا کرو

ہر بے زباں کو شعلہ نوا کہ لیا کرو

یارو سکوت ہی کو صدا کہ لیا کرو

خود کو فریب دو ، کہ نہ ہو تلخ زندگی

ہر سنگ دل کو جانِ وفا کہ لیا کرو

گر چاہتے ہو خوش رہیں کچھ بندگانِ خاص

جتنے صنم ہیں ان کو خدا کہ لیا کرو

انسان کا اگر قد و قامت نہ بڑھ سکے

تم اُس کو نقصِ آب و ہوا کہ لیا کرو

اپنے لیے اب ایک ہی راہِ نجا ت ہے

ہر ظلم کو رضائے خدا کہ لیا کرو

لے دے کہ اب یہی ہے نشانِ ضیا قتیلؔ

جب دل جلے تو اُس کو دیا کہ لیا کرو