یا رب مری حیات سے غم کا اثر نہ جائے

یا رب مری حیات سے غم کا اثر نہ جائے

جب تک کسی کی زلف پریشاں سنور نہ جائے

وہ آنکھ کیا جو عارض و رخ پر ٹھہر نہ جائے

وہ جلوہ کیا جو دیدہ و دل میں اتر نہ جائے

میرے جنوں کو زلف کے سائے سے دور رکھ

رستے میں چھاؤں پا کے مسافر ٹھہر نہ جائے

میں آج گلستاں میں بلا لوں بہار کو

لیکن یہ چاہتا ہوں خزاں روٹھ کر نہ جائے

پیدا ہوئے ہیں اب تو مسیحا نئے نئے

بیمار اپنی موت سے پہلے ہی مر نہ جائے

کر لی ہے توبہ اس لیے واعظ کے سامنے

الزام تشنگی مرے ساقی کے سر نہ جائے

ساقی پلا شراب مگر یہ رہے خیال

آلام روزگار کا چہرہ اتر نہ جائے

میں اس کے سامنے سے گزرتا ہوں اس لیے

ترک تعلقات کا احساس مر نہ جائے

مسرور دید حسن ہے اس واسطے فنؔا

دنیا کے عیب پر کبھی میری نظر نہ جائے

مرنے کی دعائیں کیوں مانگوں جینے کی تمنا کون کرے

مرنے کی دعائیں کیوں مانگوں  جینے کی تمنا کون کرے

یہ دنیا ہو یا وہ دنیا  اب خواہش دنیا کون کرے

جب کشتی ثابت وسالم تھی، ساحل کی تمنا کس کو تھی

اب ایسی شکستہ کشتی پر ساحل کی تمنا کون کرے

جو آگ لگائی تھی تم نے  اس کو تو بجھایا اشکوں سے

جو اشکوں نے بھڑکائی ہے  اس آگ کو ٹھنڈا کون کرے

دنیا نے ہمیں چھوڑا جذبؔی  ہم چھوڑ نہ دیں کیوں دنیا کو

دنیا کو سمجھ کر بیٹھے ہیں  اب دنیا دنیا کون کرے

کبھی کسی کو مکمل جہاں نہیں ملتا

کبھی کسی کو مکمل جہاں نہیں ملتا

کہیں زمیں کہیں آسماں نہیں ملتا

تمام شہر میں ایسا نہیں خلوص نہ ہو

جہاں امید ہو اس کی وہاں نہیں ملتا

کہاں چراغ جلائیں کہاں گلاب رکھیں

چھتیں تو ملتی ہیں لیکن مکاں نہیں ملتا

یہ کیا عذاب ہے سب اپنے آپ میں گم ہیں

زباں ملی ہے مگر ہم زباں نہیں ملتا

چراغ جلتے ہیں بینائی بجھنے لگتی ہے

خود اپنے گھر میں ہی گھر کا نشاں نہیں ملتا

دیر لگی آنے میں تم کو شکر ہے پھر بھی آئے تو

دیر لگی آنے میں تم کو شکر ہے پھر بھی آئے تو

آس نے دل کا ساتھ نہ چھوڑا ویسے ہم گھبرائے تو

شفق دھنک مہتاب گھٹائیں تارے نغمے بجلی پھول

اس دامن میں کیا کیا کچھ ہے دامن ہاتھ میں آئے تو

چاہت کے بدلے میں ہم تو بیچ د یں اپنی مرضی تک

کوئی ملے تو دل کا گاہک کوئی ہمیں اپنائے تو

سنی سنائی بات نہیں یہ اپنے اوپر بیتی ہے

پھول نکلتے ہیں شعلوں سے چاہت آگ لگائے تو

جھوٹ ہے سب تاریخ ہمیشہ اپنے کو دہراتی ہے

اچھا میرا خوابِ جوانی تھوڑا سا دہرائے تو

نادانی اور مجبوری میں یارو کچھ تو فرق کرو

اک بےبس انسان کرے کیا ٹوٹ کے دل آجائے تو

دیواروں سے مل کر رونا اچھا لگتا ہے

یہ غزل بہت سے گلوکاروں نے گائی ہے۔ اور زیادہ تر نے "دیواروں سے باتیں کرنا اچھا لگتا ہے" کر کے گائی ہے۔ جبکہ اصل شعر "دیواروں سے ملکر رونا اچھا لگتا ہے"۔ اور دوسری بات کہ چند احباب نے انٹرنیٹ کی دنیا میں اس کے چند اشعار (خاص کر مقطع) کو ناصر کاظمی سے منسوب کر رکھا ہے جبکہ یہ اصل غزل جناب قیصرالجعفری صاحب کی ہے۔ 

دیواروں سے مل کر رونا اچھا لگتا ہے

ہم بھی پاگل ہو جائیں گے ایسا لگتا ہے

کتنے دنوں کے پیاسے ہوں گے یارو سوچو تو

شبنم کا قطرہ بھی جن کو دریا لگتا ہے

آنکھوں کو بھی لے ڈوبا یہ دل کا پاگل پن

آتے جاتے جو ملتا ہے تم سا لگتا ہے

اس بستی میں کون ہمارے آنسو پونچھے گا

جو ملتا ہے اس کا دامن بھیگا لگتا ہے

دنیا بھر کی یادیں ہم سے ملنے آتی ہیں

شام ڈھلے اس سونے گھر میں میلہ لگتا ہے

کس کو پتھر ماروں قیصؔر  کون پرایا ہے

شیش محل میں اک اک چہرہ اپنا لگتا ہے

اب کے سال پونم میں جب تو آئے گی ملنے

اب کے سال پونم میں جب تو آئے گی ملنے

ہم نے سوچ رکھا ہے رات یوں گزاریں گے

دھڑکنیں بچھا دیں گے، شوخ ترے قدموں میں

ہم نگاہوں سے تیری، آرتی اتاریں گے

تو کہ آج قاتل ہے، پھر بھی راحتِ دل ہے

زہر کی ندی ہے تو، پھر بھی قیمتی ہے تو

پَست حوصلے والے، تیرا ساتھ کیا دیں گے!

زندگی اِدھر آجا! ہم تجھے گزاریں گے!

آہنی کلیجے کو، زخم کی ضرورت ہے

انگلیوں سے جو ٹپکے، اُس لہو کی حاجت ہے

آپ زلفِ جاناں کے خم سنواریے صاحب!

زندگی کی زلفوں کو آپ کیا سنواریں گے!

ہم تو وقت ہیں، پل ہیں، تیز گام گھڑیاں ہیں

بے قرار لمحے ہیں، بے تھکان صدیاں ہیں

کوئی ساتھ میں اپنے، آئے یا نہیں آئے

جو ملے گا رستے میں،ہم اسے پکاریں گے

جب میرے راستے میں کوئی میکدا پڑا

جب میرے راستے میں کوئی میکدا پڑا

مجھ کو خود اپنے غم کی طرف دیکھنا پڑا

معلوم اب ہوئی تری بیگانگی کی قدر

اپنوں کے التفات سے جب واسطا پڑا

ْ

اک بادہ کش نے چھین لیا بڑھ کے جام مَے

ساقی سمجھ رہا تھا سبھی کو گرا پڑا

ترکِ تعلقات کو اک لمحہ چاہیے 

لیکن تما م عمر مجھے سوچنا پڑا

یوں جگمگا رہا ہے مرا نقش پا فناؔ

جیسے ہو راستے میں کوئی آئینا پڑا

گلیلی

اج میں تکیا اکھاں نال،

وچ گودڑی لکیا لال ۔

سر دے اتے پھٹا پرولا،

ٹھبی جتی گنڈھیا جھولا ۔

چھجے کپڑے ہوئے لنگارے،

وچوں پنڈا لشکاں مارے ۔

حسن نہ جاوے رکھیا تاڑ،

نکل آؤندا کپڑے پاڑ !

نہیں ایہہ انگر، نہیں لنگارے

ایہہ تاں پھٹّ نصیباں مارے ۔

یا پھر لٹن مارن ڈاکے،

وڑی غریبی سنھاں لا کے ۔

حسن اوس دا میں کی آکھاں،

تکن نال پیندیاں لاساں ۔

دھون گوری دی ایسی پھبے،

آؤندا جاندا ساہ پیا لبھے ۔

گورا گل، گلیاں دی گانی،

اک تھاں وسدے اگّ تے پانی ۔

نین گوری دے باتاں پاون،

مستی دے ساگر چھلکاون،

یا ایہہ بند اوس نے کیتے،

کجیاں وچ دریا حسن دے ۔

وال، دوپیہرے راتاں پئیاں،

تکّ تکّ کتے لیندے جھئیاں ۔

موہن، کھجھ نہ ایہناں اتے،

سدا رات نوں بھونکن کتے ۔

واہ غریبی وارے تیرے !

وسدے رہن چوبارے تیرے !

(گلیلی یا گلیلیانیاں اوہ ہن جو سوئیاں، کندھوئیاں، چرخے دیاں چرمکھاں ویچدیاں ہن ۔)