اساں پیڑاں پیڑ کے پیتیاں اساں رنھ کے کھادی اگ
ساڈا ساڑ سمے دیاں سولیاں ساڈے سر سوچاں دی پگ
ساڈا در سورج دا کعبہ ساڈی دھرتی امبروں اگے
سانوں ھونی دیندی لوریاں ساڈے نال نہ چناں لگ
اسیں برفاں چلہے بالدے اسیں بھانبڑ تلدے روز
ساڈا سورج چھاویں بیٹھدا اسیں انجدے لائی لگ
ساڈے قبراں کیرنے پاندیاں ساڈے بوھے نت مکان
اسیں سدھراں مار کے نپ دے سانوں عاشق کہندا جگ
اسیں اج نہیں کل تے پاوندے ساڈی کل دا ناں اے اج
اسیں آپ ٹھگاں نوں ٹھگدے ساڈے ٹھگ چراندے وگ
اسیں جتیاں بازیاں ھار دے اسیں موت نوں دیندے دان
اسیں انجم جگ توں وکھرے ساڈے لہو دا رنگ الگ
اشاعتیں
کوئی تبصرے نہیں:
ایک تبصرہ شائع کریں