سر پہ کلاہِ کج دھرے زلف دراز خم بہ خم
آہوئے چشم ہے غضب، ترک نگاہ ہے ستم
چاند سے منہ پہ خال دو، ایک ذقن پہ رخ پہ ایک
اس سے خرابی عرب، اس سے تباہی عجم
وہ خمِ گیسوئے دراز، دامِ خیالِ عاشقاں
ہو گئے بے طرح شکار، اب نہ رہے کہیں کے ہم
عشوۂ دل گداز وہ، ذبح کرے جو بے چھری
ناز وہ دشمن وفا، رحم کی جس کو ہے قسم
دل جو بڑا رفیق تھا، وہ تو ہے دستِ غیر میں
رہ گئی ایک زندگی، وہ کہیں آرزو سے کم
نالۂ آتشیں و آہ، چشمِ تر و غبار دل
آتش و آب و خاک و باد، ایک جگہ ہوئے بہم
طولِ کلام بے محل، شادؔ اگرچہ عیب ہے
لکھتے ہیں کچھ اور حالِ دل ، حیف کہ رُک گیا قلم
اشاعتیں
کوئی تبصرے نہیں:
ایک تبصرہ شائع کریں