دیتی نہیں اماں جو زمیں آسماں تو ہے
کہنے کو تو اپنے دل میں کوئی داستاں تو ہے
یوں تو ہے رنگ زرد مگر ہونٹ لال ہیں
صحرا کی وسعتوں میں کہیں گلستاں تو ہے
اک چیل ایک ممٹی پہ بیٹھی ہے دھوپ میں
گلیاں اجڑ گئی ہیں مگر پاسباں تو ہے
آواز دے کے دیکھ لو شاید وہ مل ہی جائے
ورنہ یہ عمر بھر کا سفر رائیگاں تو ہے
مجھ سے بہت قریب ہے تو پھر بھی اے منیر
پردہ سا کوئی میرے تیرے درمیاں تو ہے
اشاعتیں
بہت خوب!
جواب دیںحذف کریںآواز دے کے دیکھ لو شاید وہ مل ہی جائے
ورنہ یہ عمر بھر کا سفر رائیگاں تو ہے
یہ شعر تو بچپن سے ازبر ہے اور اکثر یاد آتا رہتا ہے۔ یہ نہیں پتہ تھا کہ یہ منیر نیازی کا ہے۔
شکریہ۔
شکریہ احمد بھائی۔۔۔ :)
جواب دیںحذف کریں