عشق اپنے مجرموں کو پابجولاں لے چلا​

عشق اپنے مجرموں کو پابجولاں لے چلا​

​

دار کی رسیوں کے گلوبند گردن میں پہنے ہوئے​

گانے والے ہر اِک روز گاتے رہے​

پائلیں بیڑیوں کی بجاتے ہوئے​

ناچنے والے دھومیں مچاتے رہے​

ہم نہ اس صف میں تھے اور نہ اُس صف میں تھے​

راستے میں کھڑے اُن کو تکتے رہے​

رشک کرتے رہے​

اور چُپ چاپ آنسو بہاتے رہے​

لوٹ کر آ کے دیکھا تو پھولوں کا رنگ​

جو کبھی سُرخ تھا زرد ہی زرد ہے​

اپنا پہلو ٹٹولا تو ایسا لگا​

دل جہاں تھا وہاں درد ہی درد ہے​

گلو میں کبھی طوق کا واہمہ​

کبھی پاؤں میں رقصِ زنجیر​

اور پھر ایک دن عشق انہیں کی طرح​

رسن در گلو، پابجولاں ہمیں​

اسی قافلے میں کشاں لے چلا​

بے دم ہوئے بیمار دوا کیوں نہیں دیتے

بے دم ہوئے بیمار دوا کیوں نہیں دیتے

تم اچھے مسیحا ہو شفا کیوں نہیں دیتے

دردِ شبِ ہجراں کی جزا کیوں نہیں دیتے

خونِ دلِ وحشی کا صلہ کیوں نہیں دیتے

مٹ جائے گی مخلوق تو انصاف کرو گے

منصف ہو تو اب حشر اٹھا کیوں نہیں دیتے

ہاں نکتہ ورو لاؤ لب و دل کی گواہی

ہاں نغمہ گرو ساز صدا کیوں نہیں دیتے

پیمانِ جنوں ہاتھوں کو شرمائے گا کب تک

دل والو، گریباں کا پتا کیوں نہیں دیتے

بربادیء دل جبر نہیں فؔیض کسی کا

وہ دشمنِ جاں ہے تو بھلا کیوں نہیں دیتے

واسوخت

سچ ہے ہمیں کو آپ کے شکوے بجا نہ تھے​

بے شک ستم جناب کے سب دوستانہ تھے​

​

ہاں، جو جفا بھی آپ نے کی، قاعدے سے کی!​

ہاں، ہم ہی کاربندِ اصولِ وفا نہ تھے​

​

آئے تو یوں کہ جیسے ہمیشہ تھے مہرباں​

بھولے تو یوں کہ گویا کبھی آشنا نہ تھے​

​

کیوں دادِ غم، ہمیں نے طلب کی، برا کیا​

ہم سے جہاں میں کشتۂ غم اور کیا نہ تھے​

​

گر فکرِ زخم کی تو خطاوار ہیں کہ ہم​

کیوں محوِ مدحِ خوبیِ تیغِ ادا نہ تھے​

​

ہر چارہ گر کو چارہ گری سے گریز تھا​

ورنہ ہمیں جو دکھ تھے، بہت لادوا نہ تھے​

​

لب پر ہے تلخیِ مئے ایام، ورنہ فیض​ؔ

ہم تلخیِ کلام پہ مائل ذرا نہ تھے​

زنداں کی ایک شام

شام کے پیچ و خم ستاروں سے

زینہ زینہ اُتر رہی ہے رات

یوں صبا پاس سے گزرتی ہے

جیسے کہہ دی کسی نے پیار کی بات

صحنِ زنداں کے بے وطن اشجار

سرنگوں ،محو ہیں بنانے میں

دامنِ آسماں پہ نقش و نگار

شانۂ بام پر دمکتا ہے!

مہرباں چاندنی کا دستِ جمیل

خاک میں گھل گئی ہے آبِ نجوم

نور میں گھل گیا ہے عرش کا نیل

سبز گوشوں میں نیلگوں سائے

لہلہاتے ہیں جس طرح دل میں

موجِ دردِ فراقِ یار آئے

دل سے پیہم خیال کہتا ہے

اتنی شیریں ہے زندگی اس پل

ظلم کا زہر گھولنے والے

کامراں ہو سکیں گے آج نہ کل

جلوہ گاہِ وصال کی شمعیں

وہ بجھا بھی چکے اگر تو کیا

چاند کو گل کریں تو ہم جانیں

ربا سچیا توں تے آکھیا سی

ربا سچیا توں تے آکھیا سی
جا اوے بندیا جگ دا شاہ اے توں

ساڈیاں نعمتاں تیریاں دولتاں نے
ساڈا نیب تے عالیجاہ اے توں

ایس لارے تے ٹور کد پچھیا اے
کی ایس نمانے نال بیتیاں نے

کدی سار وی لئی او رب سائیاں
ترے شاہ نال جگ کی کیتیاں نے

کتے دھونس پولس سرکار دی اے
کتے دھاندلی مال پٹوار دی اے

ایویں ھڈاں اچ کلپے جان مری
جیویں پھائی اچ کونج کرلاندی اے

چنگا شاہ بنایا ای رب سائیاں
پوے کھاندیاں وار نہ آندی اے

مینوں شاہی نئیں چائیدی او رب سائیاں
میں تے عزت دی ٹکر منگناں ہاں

مینوں تانگ نئیں محلاں ماڑیاں دی
میں تے جیون دی نکڑ منگناں ہاں

تو میری منّے تے تیریاں میں منّاں
تیری سوں جے اک وی گل موڑاں

جے اے تانگ نئیں پجدی تے رب سائیاں
فِر میں جاواں تے رب کوئی ہور لوڑاں